Internette bir top adamnyń balalardy urlap jatqany týraly taraǵan aqparat jalǵan, dep málimdedi İİM memlekettik til jáne aqparat departamentiniń dırektory Almas Sadýbaev. Bul týraly Qamshy.kz aqparat agenttigi Sputnik Qazaqstan saıtyna silteme jasaı otyryp habarlaıdy. 

"Messendjerde dybystyq habarlama arqyly balalardyń jappaı urlanýyna qatysty taraǵan aqparat shyndyqqa janaspaıdy. Qazaqstan aýmaǵynda mundaı fakti joq», — dep málimdedi Sadýbaev. 

Ol habarlamada aıtylǵan Ianıkoı aýyly Reseıdegi Kabardıno-Balqarıa aýmaǵynda ornalasqanyn atap ótti. 

Aıta ketsek, buǵan deıin jelide dybystyq habarlama taraǵan bolatyn. Jazbadaǵy er adam áldekimderdiń balalardy kámpıtpen aldap, urlap jatqanyn málimdedi. Aıtýynsha, kámpıt quramynda esirtki nemese uıyqtatyn psıhotroptyq dárilik zattar bar eken.