Áleýmettik jeli arqyly tanysyp, kezdesemiz dep, keıin óte qıyn jaǵdaılarǵa ushyraǵan adamdar ómirde jıi kedesedi. Osyndaı jaǵdaılardyń birqataryn Qamshy.kz aqparat agenttigi Lenta.rý-ǵa silteme berip jazady.
Osy jyldyń jeltoqsan aıynda AQSH-tyń Nelaı qalashyǵynda jas qyz áleýmettik jeli arqyly er adammen tanysyp iz-tússiz joǵalyp ketken. Tinder jelisi arqyly tanysqan jas qyz Sıdneı Lýf sońǵy ret dostaryna kezdesýge ketip bara jatqanyn aıtyp habarlaǵan. Betin árlep daıyndalyp jatqanyn sýretke túsirip dostaryna jibergen. Alaıda dál sol kúnnen keıin qyz joǵalyp ketedi.
Nelaı qalashyǵyda nebári 1,5 myń adam turǵynyndyqtan munda barlyǵy bir-birin tanıdy eken. Keıin belgili bolǵandaı, qyz 23 jastaǵy qurbysy men onyń 51 jastaǵy dosynyń úıine barǵan. Kúdiktilerdi polısıa qamaýǵa alǵanymen, olar qyzǵa eshteńe istemegenderin aıtyp aqtalǵan. Qazirgi ýaqytta qyzdyń qaıda ekeni belgisiz.
Osy sıaqty, Florıda shtatynda Robert Výds esimdi farmasevt jigit óziniń mamandyǵy men bilimin paıdalanyp, kezdesýge kelgen jas qyzdyń ishimdigine dári qosyp jibergen. Ertesinde denesinen kógergen izder men ıneniń izin kórgen qyz aýrýhanaǵa barǵan. Óziniń aldanǵanyn bilgen qyz polısıaǵa habarlasyp, nátıjesinde farmasevt aılaker ustalǵan.
Taǵy bir erekshe kezdesý jaıly Keılı Kepıtel esimdi bloger qyz aıtady. Ol óziniń ómirinde bolǵan bul kezdesýdi eń sumdyq kezdesý deıdi . Ol er adammen tanysqan, bastapqyda olardyń qarym-qatynasy jaqsy órbigen. Jas jigit qyzdy kınoǵa, kafege alyp baryp, kóńilin aýlaǵan.
Alaıda, úshinshi kezdesýde qyzdyń jigitke degen qarym-qatynasy tolyqtaı ózgergen. Saıabaqta qydyrǵan olar, keıin jigittiń jumysyna soǵyp ketpekshi bolady. Aýrýhanada jumys isteımin dep aıtqan jigit, qyzdy ǵımarattyń eń tómengi qabatyna alyp barǵan. «Bir nárse kórsetem» degen ol qyzdy tup-týra máıithanaǵa alyp kelgen. Bólmege kirip qyzǵa kári áıeldiń máıitin kórsetip, «Buryn-sońdy máıit kórgen ba ediń?» dep suraǵan. Záresi zár túbine ketken qyzdyń bar oıy osy máıithanada qalyp qalmaý bolǵan eken. «Ol aqyl esi kemis jigit bolǵan sıaqty. Meni qorqytqysy kelgen. Bul meniń ómirimdegi eń sumdyq kezdesý»-deıdi Keılı.
Bloger qyz tanys emes adamdarmen kezdesý kezinde, áleýmettik jelimen tanysý kezinde jastardy muqıat bolýǵa shaqyrady. Jalpy, jaqsy tanymaıtyn adamdarmen jeke qalmaýǵa tyrysý kerek.
