Almaty qalasynyń ákimi Baýyrjan Baıbek «Almaty — jastar qalasy» forýmy barysynda atalǵan qalada jas otbasylarǵa 100 páter beriletinin aıtty.
Munymen qatar, atalǵan qalada jastarǵa arnap jataqhanalar salý máselesi qarastyrylǵan eken.
«Búgingi tańda birneshe JOO jáne jeke kásipkerlermen memorandýmǵa qol qoıyp úlgerdik. «Rýhanı jańǵyrý» baǵdarlamasynyń aıasynda 2 000 oryndyq tórt jataqhana salynyp bitýge jaqyn qaldy. Kelesi jyldan bastap 2,4 myń oryndyq jataqhana salyna bastaıdy», — deıdi ákim.
2020 jylǵa deıin 7 myń oryndyq 12 jataqhana salynbaq. Osyǵan deıin qala ákimdigi men «Turǵyn Úı Qurylys Jınaq Banki» birigip 35 jasqa deıingi jastarǵa arnap úı salatyndary týraly habarlady. 10 mln teńgege deıingi aqshany jas otbasylar jylyna 5 paıyz jeńildikpen alady. Nesıe tóleýshiniń jaǵdaıyn eskerip 3-ten bastap 25 jylǵa deıin beriledi.
Qatysýshylar upaı júıesi boıynsha tańdalady. Mysaly, upaıǵa nekelesken jyl, bala sany, turǵylyqty mekeni, jumys ótili, mamandyǵy, jeke kásipker retindegi tájirıbesi, Almaty qalasynda qansha ýaqyt turǵany áser etedi. Keıin TÚQJB salymshynyń tólem júrgizý qabilettiligin anyqtaıdy.
