Erteńnen bastap Jetisý aýdanynyń ákimdigi men qalalyq İİD-niń Jol polısıasy basqarmasy birlese otyryp, aýdan turǵyndarynyń ótinish berýine baılanysty Geologov, Lısakovskaıa jáne Shelıhov kósheleri boıynda bir baǵyttyq kólik qozǵalysyn engizedi.
Soǵan oraı Lısakovskaıa men Shelıhov kóshelerindegi qozǵalys kestesine myna tártipte ózgerister enedi: Rysqulov dańǵylynan shyǵys baǵyttaǵy Shelıhov kóshesine qaraı ońǵa burylýǵa tyıym salynady jáne Lısakovskaıa kóshesinde batys baǵytqa qaraı bir baǵyttyq tártip ornaıdy. Bul rette Lısakovskaıa kóshesine tek Rysqulov dańǵylynan túsip barýǵa bolady.
Sol sekildi, Geologov kóshesinde de dál osyndaı jaǵdaı bolady. Onda bir baǵyttyq qozǵalys Birinshi mamyr munaı bazasy kóshesinen bastalyp, «Kókjıek» yqshymaýdanyndaǵy burylysqa deıin sozylady. Soǵan oraı Almaty oblysynyń aýmaǵynan kirgen barlyq avtokólikter Soltústik jarty aınalym kóshesine ótý úshin tek qana Birinshi mamyr munaı bazasy kóshesimen ǵana júrýge májbúr bolady. Óıtkeni, bul shara qarbalas saǵattarda aýmaqty avtokólikten aryltý maqsatynda jasalyp otyr.
Jol belgileri ornatylǵannan keıingi alǵashqy kezderi jol patrúl polısıasy qyzmetkerleri tarapynan jolda júrý tártibin buzǵan júrgizýshilerge aýyzsha eskertý berýmen ǵana shekteletin shara qoldanylatyn bolady.
Baýyrjan Baıbek sıngapýrlyqtarmen kezdesýde Almatyda aýqymdy kólik reformasy júzege asyryp jatqanyn, aldaǵy ýaqytta Sıngapýrdyń kólik salasyndaǵy tájirıbesin paıdalanatynyn aıtqan.
«Almaty kóshelerin kún saıyn 700 myńnan astam kólik júrip ótedi, sonyń saldarynan qala trafıgine qysym jasalýda. Biz qoǵamdyq kólikke erekshe nazar aýdaramyz. Jyl aıaǵyna deıin qala avtobýs parkiniń úshten biri jańarady, JRK jobasyna daıyndyqtar jasalýda, BRT dálizi qurylady, metro qurylysy jalǵasady, avtobýstarǵa arnalǵan arnaıy jolaqtar uzyndyǵy 100 shaqyrymǵa deıin jetedi. Kólik turaqtary qolǵa alynyp, veloınfraqurylym, jaıaý júrginshi aımaqtary paıda bolýda», - dedi Baýyrjan Baıbek.
Sonymen qatar, Almaty delegasıasy Sıngapýrdyń strategıalyq josparlaý jáne qala qurylysyn baqylaý jónindegi agenttiginiń jumys tájirıbesine jete mán berdi.
«Búgingi kúni biz «Almaty-2020» baǵdarlamasyn júzege asyrýdamyz, onyń basty baǵyty ekologıa, transport reformasy, densaýlyq saqtaý, qaýipsizdik jáne ınfraqurylymdy damytý. Qalanyń ekonomıkalyq áleýetin arttyratyn sheberlik josparyn da jasadyq. Tehnologıa únemi ózgeredi, sondyqtan biz qala turǵyndarynyń ómirin jaqsartatyn jobalardy engizetin bolamyz», - dep atap ótti ákim.
Baýyrjan Baıbektiń jumys saparynyń qorytyndysy boıynsha sheteldik seriktester úshin baǵdarlamalar men sheshimder daıyndaıtyn «Singapore Cooperation Enterprise» memlekettik agenttik Almatyǵa smart-tehnologıany engizýge, qala qurylymyn tıimdi josparlaýǵa jáne sheberlik josparlardy jasaýǵa kómektesetin bolady.
Osy rette Almatyny damytý ortalyǵy, Almaty qalasynyń Sáýlet jáne qala qurylysy basqarmasy men «Singapore Cooperation Enterprise» arasynda jasalǵan tıisti memorandýmǵa qol qoıyldy.
