Almatyda sport súıer qaýymnyń qýanyshyn tasytqan qysqy «Ýnıversıada-2017» megapolıske mura retinde tek sport keshenderin ǵana emes, Atletter qalashyǵyn da qaldyrǵany belgili. 

«Atletter qalashyǵyndaǵy páterler «Nurly jer» memlekettik baǵdarlamasynyń qatysýshylaryna berildi. Barlyǵy 1748 páterge turǵyndarmen arada kelisimshart jasaldy. Arendalyq úılerdi berýdi jergilikti bılik tizim boıynsha júzege asyrady. Bul - bizdiń negizgi mindetimiz. Qazaqstan ıpotekalyq kompanıasy páter kezegindegi turǵyndardyń tólem qabiletin tekserdi. Arendatorlardyń tólemi Ulttyq qor aldyndaǵy qaryzdy jabýǵa jumsalady», - dedi Almatynyń qalalyq ákimdiginen.

Jergilikti basqarýshy bılik ókilderiniń málimetine súıensek, páterler kóp balaly, tolyq emes otbasy, múgedek balasy nemese asyraýynda múgedek bala bar januıalar, jetim, ata-ana qamqorynsyz qalǵandar, oralmandar men memlekettik qyzmetshiler, 1,2-shi toptaǵy múgedek jandarǵa jalǵa berildi.

Aıta keterligi, bólingen barlyq páterdiń 50 paıyzy 35 jasqa deıingi jas otbasylarǵa bólingen.

Alǵashqy turǵyndar 2017 jyldyń 22 naýryz kúni qonys toılaryn ótkizgen bolatyn. Erekshe páterlerdiń birine qol jetkizgen baqytty shańyraqtyń ıesi dáriger Tatána Samoılova. Ol Balalarǵa jedel járdem kórsetý ortalyǵynda pedıator-dárigeri, neontolog bolyp qyzmet isteıdi.

«Halyqqa áleýmettik qoldaý jasaǵany úshin men Memleket basshysyna alǵysymdy bildirgim keledi. Bizdiń endi basymyzda baspana bar. Men Atletter qalashyǵy týraly Ýnıversıadaǵa barǵanymda kórip, tamasha yńǵaıly aýdan salynǵanyna dán rıza bolǵan edim», -deıdi T. Samoılova.

«Atletter qalyshyǵy» kesheninde 14 turǵyn úı bar. Jalpy aýmaǵy - 23 gektar. 1748 páter satylýǵa shyǵaryldy. Páterdiń jalǵa berý quny 1 sharshy metrine 1 036 teńge. Jalǵa alý merzimi 20 jyl. 5 jyldan keıin páterdi ıesiniń múmkindigine qaraı satyp alýyna ruqsat etiledi.

Almaty qalasynda «Nurly jer» ınfraqurylym jobalaryna shamamen 20 mlrd teńge baǵyttalǵan. Daǵdarysqa qarsy baǵdarlama boıynsha qalashyq qurylysyna respýblıkalyq búdjetten 33 mlrd teńge bólingen.

Statısıkalyq málimetke súıensek, 2016 jyly men 2017 jyldyń alǵashqy jarty jyldyǵynda Almatyda 4 páter berilgen. Bul 2014-2015 jylmen salystyrǵanda eke esege kóp. Jyl sońyna deıin 4,5 myń páter berilý josparlanǵan.