Besqaraǵaı aýdandyq máslıhat depýtattarynyń kelisimi boıynsha aımaq basshysy Danıal Ahmetovtiń ókimimen Besqaraǵaı aýdany ákimi laýazymyna Dáýlet Batyrbaev taǵaıyndaldy dep habarlaıdy Qamshy.kz aqparat agenttigi. Ol buǵan deıin Ulan aýdanyn basqarǵan bolatyn.  

Jańa basshyny aýdan aktıvine SHQO ákiminiń birinshi orynbasary Nurymbet Saqtaǵanov tanystyrdy.

Dáýlet Batyrbaev 1976 jyly 7 shildede Semeı qalasynda dúnıege kelgen. 1998 jyly Semeı memlekettik ýnıversıtetin «Býhgalterlik esepke mamandandyrylǵan ekonomıs», 2001 jyly Novosibir gýmanıtarlyq ınstıtýtyn «Quqyqtaný» mamandyqtary boıynsha támamdady.  

Eńbek jolyn 1998 jyly Semeı qalasynda Novosibir gýmanıtarlyq ınstıtýtynda ádisker bolyp bastady. Birneshe jyl «Azıa» Fırma JSHS broker, dırektor, sonymen qatar, jeke kásipker bolyp eńbek etti. 2009 jyly memlekettik qyzmetke ótip, Óskemen qalasy kásipkerlik, aýylsharýashylyǵy jáne veterınarıa bóliminde bas maman mindetinen bastady. 2010 jyly oblys ortalyǵynyń Menovnoe aýyldyq okrýgi ákiminiń orynbasary boldy. Keıin bir jyl SHQO jolaýshylar kóligi jáne avtomobıl joldary basqarmasynda bólim basshysy qyzmetine aýysty. 2012 jyly Ulan aýdany sáýlet, qala qurylysy jáne qurylys bólimniń basshysy, sol jyldyń shilde aıynda Ulan aýdany ákiminiń orynbasary qyzmetine aýystyryldy. Bul laýazymda 4 jyl boıy eńbek etti. Al 2016 jyly qańtarda Ulan aýdany ákimi bolyp taǵaıyndaldy.