Ótken aıda Áleýmettik medısınalyq saqtandyrý qoryna 6 mlrd. teńgege jýyq jarna túsken. Onyń 21,6 paıyzy almatylyqtardyń úlesinde.

Qazan aıynda jumys berýshiler men jeke kásipkerler «Áleýmettik medısına­lyq saqtandyrý qory» KEAQ-nyń Ulttyq banktegi shotyna 6 mlrd. teńgege jýyq saq­tandyrý jarnasyn aýdardy.

Mindetti áleýmettik medısınalyq saqtandyrý júıesi iske qosylǵan shilde aıynan beri túsken jarnalar men aýda­rymdar mólsheri 18,6 mlrd. teńgeni qurap otyr. Onyń 81 paıyzy, ıaǵnı 15,02 mlrd. teńgesi jumys berýshilerdiń qara­maǵyn­daǵy jumyskerler úshin jasaǵan aýda­rymdary. Al qalǵan 19 paıyzy nemese 3,54 mlrd. teńge jeke kásipkerler men azamattyq-quqyqtyq kelisimshart negi­zinde eńbek etetin tulǵalarǵa tıesili.

Qor málimetinshe, jarna tóleý jaǵy­nan burynǵysha Almaty (jalpy soma­nyń 21,6%) men Astana (12%) qala­lary, sondaı-aq, Qaraǵandy (8,2%) jáne Shyǵys Qazaqstan (7,4%) oblystary kósh bastap tur.

Kórsetkish Áleýmettik medısınalyq saqtandyrý qorynyń bıylǵy jasaǵan boljamdaryna saı kelip otyr.

Esterińizge sala ketsek, shildeniń birinen bastap jumys berýshiler men jeke kásipkerler (jeke menshik notarıýstar men sot oryndaýshylary, advokattar, kásibı medıatorlar) jáne azamattyq-quqyqtyq kelisimshart negizinde eńbek etetin tulǵalar da jarna tólep jatyr. Jumys berýshiler bıyl jumysker jal­aqysynyń 1 paıyzyn, jeke kásip­kerler 2 tómengi aılyq jalaqynyń 5 paıyzyn aýdarýda. 2017 jyly jarna mólsheri qurasa, al 2445 teńge 90 tıyndy, 2018 jyly – 2828 teńgege teń bolady dep kútilýde. Jarna esepteletin jalaqynyń eń joǵarǵy mólsheri 15 tómengi aılyq jalaqydan nemese 366 myń 885 teńgeden aspaýy tıis. Iaǵnı aı saıyn tólenetin mindetti jarnanyń eń joǵarǵy mólsheri 3668 teńge 85 tıynnan aspaýy kerek. AQK negizinde eńbek etetin azamattar tabysynyń 5 paıyzyn aýdarady.