Jahandaný zamanynda búkil álem, sonyń ishinde Qazaqstandaǵy dinı jaǵdaı udaıy ógeristerge ushyraýda.

Bul ózgerister óz retinde jańa dinı aǵymdardyń paıda bolýy, olardyń erkin is-áreket jasap, retsiz qyzmetterin jandandyrýǵa múmkindik alýy, ulttyq qaýipsizdikti, ásirese rýhanı qaýipsizdikti qamtamasyz etý máselesiniń ózektiligin arttyrýda.

Memlekettiń turaqty damýyna, qoǵamnyń rýhanı qaýipsizdigine keri áser etetin jańa dinı faktorlardyń kóbeıýiniń negizinde jatqan sebepter men alǵysharttardy anyqtaý, olardyń aldyn alý sharalaryn tujyrymdaý, aǵymdardy fılosofıalyq, dintanýlyq turǵydan taldaı otyryp, olardyń mentaldyq negizderin saralaý búgingi kúnniń negizgi talaby.

Osy maqsat barysynda 2017 jyldyń 14 qarasha kúni P.Chaıkovskıı atyndaǵy Almaty mýzykalyq kolejiniń stýdentterine ekstremıstik ıdeologıanyń paıda bolý jáne taralý erekshelikteri týraly málimet berildi.

Dinge berilgen quqyqtyq anyqtamanyń joq ekendigin esepke alar bolsaq, onda «dinı ekstremızm» termınin negizsiz qoldaný azamat quqyqtary men konstıtýsıalyq negizderine qaýip tóndiretinin aıta ketken jón. Dinı ekstremızmmen baılanysty ulttyq qaýipsizdik jaǵdaıyna baǵa bere otyra, konfesıanyń ishki qaıshylyqtary men konfesıaaralyq qaıshylyqtarmen qatar, din negizinde qalyptasatyn dinı ekstremızmmen qatar, «jańa dinı aǵymdardyń keńinen taralýyna sebep bolyp otyrǵan» «ózge memleketterden keletin dinı ekspansıany» da atap ótý qajet.

Jańa dinı qurylymdardyń qarqyndy damýy eldegi qalyptasqan etnokonfessıonaldy úılesimdilikti buzyp, konfesıaaralyq básekelestik pen halyqtyń narazylyǵyn týyndatady. Qazaqstandaǵy sheteldik túrli dinı, qaıyrymdylyq qorlary jáne taǵy basqa uıymdardyń fılıaldary formaldi túrde qazaqstandyq zańnamaǵa qaıshy kelmese de, dinı negizde qoǵamdyq qysym týyndatatyn jaǵdaıy alań týǵyzady. Neoprotestanttyq jáne radıkaldy baǵyttaǵy ıslamdyq uıymdardyń dinı yqpaly eldiń barlyq aýmaqtarynda derlik ulǵaıyp keledi.

Gýmanıtarlyq kómek kórsetpek arqyly kóptegen protestanttyq uıymdar halyq arasyndaǵy túrli toptarda ǵasyrlar boıy qalyptasqan ulttyq dástúr ,mádenıet, turmys jat, Qazaqstan memleketine qatysty ózge, jatsyný pozısıasyn qalyptastyrýda. Qazaqstandyq dástúrli konfesıalardy qurmetpen qaramaý, bolmystyq deńgeıdegi qaıshylyqtarǵa jáne dinı sıpattaǵy ekstremıstik kórinisterge, dinı janjalǵa, dinı sebepterge baılanysty qoǵamǵa qarsy is-áreketterge jol berý múmkin jáne bul óz kezeginde memleketaralyq qatynastardyń jaǵdaıyna yqpal etedi.

Ekstremızm men terorızmge qarsy tıimdi kúrestiń mańyzdy sharttarynyń biri júıeli jalpymemlekettik baǵdarlamany qurý, ol óz kezeginde tek quqyq qorǵaýdy ǵana emes, sonymen qatar terorıstik is-árekettiń áleýmettik sebepterin týyndatatyn jáne órshitetin saıası, qoǵamdyq, ekonomıkalyq, quqyqtyq, ıdeologıalyq, ýaǵyz, aqparattyq, kúshtik, arnaıy (operatıvti, izdeý salý, tehnıkalyq, baqylaý) aspektilerin de qamtýy qajet. Bul shara terorızmniń tıpologıasyn eskerýge, daıyndyq jáne júzege asyrylý deńgeıin, jalpy jaǵdaıyn, damýyn boljaýǵa jáne anyqtaýǵa sebin tıgizedi.