Nemis sángeri, Chanel  sán úıiniń kreatıvti dırektory, Karl Lagerfeld  Soltústik Koreıa kóshbasshysy Kım Chen Ynnyń karıkatýrasyn saldy dep Qamshy.kz aqparat agenttigi Fashion Network-ke súıenip jazady.  

Túrli-tústi qaryndashtarmen beınelengen karıkatýrada Kım Chen Yn shylym shegip turǵan sátinde ushyp bara jatqan zymyrannyń ústinde otyr. Nemis sángeri Lagerfeld  ózi salǵan týyndysynyń astyna «Kım Chen Yn – jańa baron Múnhaýzen» dep jazyp qoıǵan.

Karıkatýraǵa Frankfurter Allgemeine Magazin basylymynyń redaksıasy suranys bergen. Bul basylym Frankfurter Allgemeine Zeitung nemis gazetiniń aılyq qosymshasy. Munda sánqoı Lagerfeld «Karıkatýra» aıdaryn júrgizip otyrady. Onyń satıralyq týyndylary qatarynda Angela Merkeldiń jáne ózge de tanymal saıasatkerlerdiń beıneleri bar.

Budan buryn Karl Lagerfeld Golıvýdtyń aty shýly prodúseri Harvı Vaınshteındi shoshqa retinde salǵan karıkatýrasy ataqty bolyp ketken edi. Onyń astyna bylaı dep jazylǵan: «Siz Shvanshteındi bilesiz be?» («shvanshteın» nemis tilinen aýdarǵanda shoshqa degen maǵynany bildiredi).