Almaty qalasynda mindetti áleýmettik medısınalyq saqtandyrýdy endirý máseleleri jóninde qazaq tildi BAQ ókilderine arnalǵan aqparattyq bilim berý semınary ótti, dep Qamshy.kz aqparat agenttigi jazady. 

Semınardy Almaty qalasy Densaýlyq saqtaý basqarmasy Qazaqstan Baspasóz klýbynyń qoldaýymen uıymdastyrdy.

Semınardyń basty maqsaty – qazaq tildi BAQ betterinde mindetti áleýmettik medısınalyq saqtandyrý máseleleri jóninde aqparat jarıalaýdyń  tıimdiligin arttyrý, osy taqyryp aıasynda jýrnalıserdiń aqparat kózin izdeý jáne aqparat jınaý daǵdylaryn damytý, beıindik memlekettik organdar baspasóz qyzmetteriniń buqaralyq aqparat quraldarymen syndarly yntymaqtastyǵyn ornatý.

Semınar jumysyna qoǵamdyq-saıası basylymdardyń jýrnalıseri, televıdenıe jáne aqparattyq agenttikter qyzmetkerleri, sondaı-aq, BAQ salasyndaǵy basqa da sarapshylar qatysty.

Belgili qazaqstandyq jýrnalıs Jazıra Begaly aqparatpen jumys jasaý, aqparattyń shynaıylyǵyn tekserý, sarapshylardy izdeý, suhbat alý tehnıkasy, aqparattyq jeleýler, mátinmen jumys jasaý syndy taqyryptardy qozǵaǵan trenıń pen tájirıbelik sabaqty ótkizdi.

Semınar uıymdastyrýshylary erekshe atap ótkendeı, densaýlyq saqtaý máseleleri jóninde aqparat jarıalaý kezinde BAQ ókilderiniń óz biliktilikterin kóterýge, osy sala, onyń zańdylyqtary, quraldary men tetikteri týraly aqparatty júıeleýge umtylystary joǵary ekendigi baıqalyp otyr. Uıymdastyrýshylar osyndaı is-sharalardy ótkizý qazaq tildi BAQ betterindegi materıaldyń sapasyn kóterýge jáne de kásibı qazaq tildi jýrnalısıkany damytý arqyly básekege qabiletti aqparattyq keńistik qalyptastyrýǵa jaǵdaı jasaıdy dep úmit bildirdi.

Almatylyq kardıohırýrgtar kúni búginge deıin 426 naýqasqa ózdiginen ydyrap ketetin 500 Absorb stentin ornatqan. Bul týraly búgin arnaıy qalalyq kardıologıa ortalyǵynyń dırektory Almat Qodasbaev málimdegen bolatyn.

Onyń aıtýynsha, sońǵy úsh jyldan beri qalalyq kardıologıalyq ortalyq júrekke qan aparatyn qan tamyrlaryn stentteýge, ıaǵnı keńeıtýge ózdiginen ydyrap, joıylyp ketetin «Absorb» qantamyrlyq qańqasyn qoldanyp keledi. Onyń ereksheligi sol, «Absorb» eki jyl ishinde tolyǵymen ózdiginen ydyrap, joıylyp ketedi. Al eń bastysy - budan keıin qan tamyry óziniń kólemin saqtap qalady. Absorb bul qańqalyq júıe, ıaǵnı ýaqytsha sıpatqa ıe. Al buǵan deıin qoldanylyp kelgen metaldyq stent qan tamyrynda turaqty ımplantant retinde saqtalady.

«Ózdiginen ydyrap ketetin stent óz qyzmetin turaqty atqarady. Bizdiń kardıoortalyqta 426 naýqastyń júregine 500 stent qoıyldy. Qazaqstanda mundaı qańqany bizden basqa, birneshe kardıoortalyqtar ornata alady. Biraq operasıa jasalǵan naýqastardyń sany boıynsha biz kósh basynda kelemiz» - dedi A. Qodasbaev.