Odessa oblysynyń burynǵy gýbernatory Mıhaıl Saakashvılı ózin ýkraındyq olıgarhtardyń tutqynymyn dep atady. Bul týraly ol Kıevte ótken Pechersk aımaqtyq sotynyń zalynda 11 jeltoqsanda málimdedi, dep Qamshy.kz aqparat agenttigi Interfaksqa súıenip jazady.

«Bizge eshqandaı konfrontasıanyń keregi joq, men eshqandaı da jedel is-qımyl jasaýǵa shaqyryp turǵam joq», degen Saakashvılı óz jaqtastarymen birge Ýkraınanyń ánuranyn aıtty.

Pecher soty Saakashvılıge qatysty sot isin dúısenbide tústen keıin bastaǵan. Oǵan taǵylǵan aıyp: «uıymdasqan toppen birge qylmys jasaý». Bas prokýratýranyń habarlaýynsha, ol «Rýhtyń jańa kúshteri» saıası qozǵalysynyń kóshbasshysy jáne burynǵy prezıdent Vıktor Ianýkovıchtiń qaramaǵyndaǵy adamdardyń qarjylandyrýymen birneshe ret mıtıńi uıymdastyrǵan.

Sot bastalysymen sýdıa zaldaǵy jýrnalıserdi shyǵaryp jiberdi, sebebi olar daýystaryn kóterip, suraqtar jaýdyra bastaǵan. Syrtta da polısıa men Saakashvılı adamdarynyń arasynda qaqtyǵys bolyp, olardyń biri polısıaǵa tútin shyǵaratyn zat laqtyrǵan.

Saakashvılıdi qamaýǵa 5 jeltoqsanda almaq bolǵan, alaıda burynǵy Odessa oblysynyń gýbernatorynyń adamdary ony qorshap, mıktoavtobýspen qutqaryp alyp ketken. Ekinshi ret 8 jeltoqsanda ustaǵan.