Elbasy Konstıtýsıalyq Keńestiń tóraǵasy Igor Rogovty qyzmetinen bosatty, dep habarlaıdy Qamshy.kz aqparat agenttigi Aqordanyń Tvıtterdegi paraqshasyna silteme jasap.
QR Prezıdenti Konstıtýsıalyq Keńestiń tóraǵalyǵy laýazymyna Qaırat Ábdirazaquly Mámıdi taǵaıyndady.
Qaırat Ábdirazaquly Mámı 1954 jyly 9 mamyrda Almaty oblysy Jambyl aýdanynda dúnıege kelgen.
Qazaqstan Respýblıkasynyń Prezıdenti N.Á. Nazarbaevtyń usynýymen 2013 jylǵy 16 qazanda Q. Mámı Qazaqstan Respýblıkasy Joǵarǵy Sotynyń Tóraǵasy bolyp taǵaıyndaldy.
ýrev (Atyraý) oblystyq sotynyń, Almaty qalalyq sotynyń tóraǵasy bolyp jumys istedi. 1990 j. – Qazaq KSR Joǵarǵy Sotynyń múshesi. 1995 j. QR Joǵarǵy Sotynyń Qylmystyq ister alqasyn basqardy. 1999-2000 jyldary QR Ádilet vıse-mınıstri,
QR Prezıdenti Ákimshiligi Basshysynyń orynbasary qyzmetterin atqardy. 2000 jyldan bastap QR Joǵarǵy Sotynyń Tóraǵasy, 2009 jyldan bastap – QR Bas prokýrory, 2011 jyldan bastap QR Parlamenti Senatynyń Tóraǵasy bolyp jumys istedi.
TMD-nyń joǵary tórelik soty men jalpy sottary tóraǵalary keńesiniń teń tóraǵasy, TMD Ekonomıkalyq Soty Plenýmynyń múshesi, Halyqaralyq zańgerler odaǵy (Máskeý q.)tóraǵasynyń orynbasary bolyp tabylady. Qazirgi kezde Dúnıejúzilik zańgerler qaýymdastyǵynyń múshesi, EýrAzEQ PAA tóraǵasy.
Onyń jetekshiligimen «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýsıalyq zańy, «Qazaqstan Respýblıkasynyń Joǵary Sot Keńesi týraly», «Atqarýshylyq is júrgizý jáne sot oryndaýshylarynyń mártebesi týraly», «Aralyq sottar týraly», «Prokýratýra týraly», «Quqyq qorǵaý qyzmeti týraly» zańdar jáne sottardyń quqyq qoldaný tájirıbesindegi ózekti máseleler jónindegi Joǵarǵy Sottyń normatıvtik qaýlylary ázirlendi.
Sot sanksıasy boıynsha qamaýǵa alý, sondaı-aq arnaýly ekonomıkalyq jáne ıývenaldy sottar men alqa bıler sotyn qurýǵa baılanysty zańnamalyq aktilerdi ázirleýge jáne tájirıbege engizýge tikeleı qatysty.
QR Bas prokýrory bolǵan kezde quqyq qorǵaý júıesi qyzmetiniń sapasyn arttyrýdy, quqyq qorǵaý organdarynyń ózara is-qımylyn úılestirýdi jaqsartýdy qamtamasyz etti. Qazaqstan prokýrorlary qaýymdastyǵyn qurý týraly bastama kóterdi. Qazirgi kezde Bas prokýratýra Halyqaralyq prokýrorlar qaýymdastyǵynyń tolyqqandy múshesi bolyp tabylady.
Q. Mámıdiń sottaǵy kóp jylǵy tájirıbesine negiz bolǵan jumysynyń nátıjesinde Qazaqstandaǵy sot júıesi men sot bıliginiń qurylýyna jáne qalyptasýyna baılanysty alty monografıa, onshaqty ǵylymı jumys jazyldy.
«Parasat» (2003), II dárejeli «Barys» (2011) ordenderimen, «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýsıasyna 10 jyl» (2005), «Qazaqstan Respýblıkasynyń Parlamentine 10 jyl» (2006), «Astananyń 10 jyldyǵy» (2008), «Qazaqstan Respýblıkasynyń prokýratýrasyna 20 jyl», «Qazaqstan Respýblıkasynyń Táýelsizdigine 20 jyl» (2011), «MPA SNG. 20 let» (2012) mereıtoılyq medaldarymen marapattaldy.
«Qurmetti sýdıa» qurmetti ataǵyna, «Úsh bı», «Sot júıesiniń qurmetti qyzmetkeri» keýde belgilerin ıelendi.
Ulttyq «KazRATING» reıtıń agenttigi men «Lıter Media» kompanıasy birlesip júrgizgen jyl saıynǵy respýblıkalyq «Jyl saıasatkeri» konkýrsynyń (2008) nátıjesi boıynsha Q.Mámı sarabdal saıasatker bolyp tanyldy.
