Qaraǵandy oblysyndaǵy shahtalarda jumys isteıtin 200-ge jýyq kenshi jeltoqsannyń 11-i túngi aýysym aıaqtalǵannan keıin, "tórt shahtadaǵy jumysshylardyń bir bóligi jumys ornynan ketýden bas tartqan", dep Qamshy.kz aqparat agenttigi Azattyqqa súıenip jazady.
Kómirshilerdiń «Qorǵaý» kásipodaǵy jetekshisi Marat Mırǵaıazov kelissózder júrip jatqanyn aıtty. Onyń sózinshe, shahterlerdiń jumys berýshige birneshe talaby bar, onyń negizgisi - jalaqyny 100 paıyz kóbeıtý.
Shahtalardyń ıesi «ArselorMıttal Temirtaý» kompanıasy munyń "jumysshylardyń ruqsat etilmegen aksıasy" ekenin habarlady.
«Arselor Mıttal Temirtaý» jumysshylary jalaqyny kóbeıtý máselesin buryn da birneshe ret kótergen. 2017 jyly tamyz aıynda Qaraǵandy oblysynyń metalýrgteri men shahterleri jalaqylaryn 30 paıyz kóbeıtýdi talap etken.
