Birde Muqaǵalı qatty qyzý, kóshede taksı ustap tursa, qasyna bir taksı toqtaǵan eken. Sonda Muqaǵalı:
— Shopyr bala, shopyr bala! Máshınań da oryn barma otyrǵanǵa? - dese, rúlde otyrǵan (sol kezdegi eń alǵashqy taksıst áıel eken) áıel:
— Men saǵan bala emespin, - depti. 
Sonda Muqaǵalı taǵy da:
— Shopyr qyz, shopyr qyz! Onda meni máshınańa otyrǵyz, - depti.
Áıel taǵy da:
— Men saǵan qyz emespin, - depti.
Muqaǵalı áıeldiń betine qarap:
— Shopyr qatyn, Shopyr qatyn! Máshıneńde oryn bar ma otyratyn?! - depti. 

Ashýǵa býlyqqan áıel: - Nemene, kelinshek deseń tilińe jara shyǵama, qatyn dep qaqyldamaı? - dese, Muqaǵalı:
— Áı qalqam, "qatyn" degen sózdiń túp tórkinin túsinbegen jan ekensiń.
"Qatyn" degen qasıetti bes áripten quralǵan:
Q - degenim — qadirlim,
A - degenim — ardaqtym,
T - degenim — tynysym, 
Y - degenim — yrysym, 
N - degenim — namysym! - degen eken.
Sonda áıel, "Otyryńyz aǵa! Endigi jerde qatyn bolyp júreıin!" - degen eken...