Kıevte sot "Jańa kúshter rýhy" opozısıalyq qozǵalysynyń lıderi jáne Grýzıanyń burynǵy prezıdenti Mıhaıl Saakashvılıdi úıqamaqqa alýdan bas tartty. Osylaısha prokýratýranyń ótinishin qabyldamady. Saıasatkerdi sot zalynda bosatty dep Qamshy.kz aqparat agenttigi Azattyqqa súıenip jazady.
Saakashvılıdi "Reseımen Ýkraınaǵa qarsy astyrtyn sóz baılasyp, narazylyq aksıalaryn uıymdastyryp otyr" dep aıyptaıdy. Tergeý deregi boıynsha, saıasatker Ýkraınanyń eks-prezıdenti Vıktor Ianýkovıchtiń jaqtastarynyń múddesi úshin, elde memlekettik tóńkeris jasamaqshy bolǵan.
Saakashvılı bul aıyptardy teriske shyǵarady. Dúısenbi kúni sot zalynda ol ózine qarsy qozǵalǵan qylmystyq isti Reseı prezıdenti Vladımır Pýtınge "syılyq" dep atady. Bul ispen aınalysýshylardyń bári "FSB agenti" dep atap ótti Saakashvılı.
Saakashvili Appears In Court In Kyiv (Clean) https://t.co/HbGzCVUAIv
— Qamshy AA (@qamshy) December 12, 2017
Sot sheshimi shyqqannan keıin saıasatker "Olarda [prokýrorlar – Red.] meni ýkraın saıasatynan alshaqtatý týraly tapsyrma berilgen. Biraq men halyqpen tikeleı baılanysýǵa daǵdylanǵanmyn ári jalǵastyra beremin" dep málimdedi. Grýzıa eks-prezıdentiniń jaqtastary Kıevte 17 jeltoqsanda mıtıń ótkizetinin jarıalady.
8 jeltoqsannan beri Mıhaıl Saakashvılı Ýkraına qaýipsizdik qyzmetiniń abaqtysynda otyrǵan. Jeksenbide Kıevte saıasatkerdi qoldap, myńdaǵan halyq kóshege shyqty.
