Almaty qalasyndaǵy basty shyrsha qashan jaǵylatyny belgili boldy, dep habarlaıdy Qamshy.kz aqparat agenttigi saıtyna silteme jasaı otyryp.
«Almatydaǵy basty jańajyldyq shyrsha Táýelsizdik kúninen soń 18 jeltoqsanda jaǵylady», deıdi qalalyq ákimdik.
Ákimdik baspasóz qyzmeti atap ótkendeı, qalany árleý kezinde ulttyq stıl qoldanylyp, jeltoqsan aıyndaǵy búkil mereke eskerilgen.
«Qalany Jańa jylǵa oraı bezendirý Táýelsizdik kúnin toılaǵan soń bastalady, ıaǵnı jańajyldyq shyrsha 18 jeltoqsanda jaǵylmaq. Byltyrǵy áshekeıler biraz jóndeýden ótip, bıyl da paıdalanylady», — dedi qalalyq ákimdik.
Bıyl qalany árleýge jergilikti búdjetten 175 mıllıon teńge bólinipti.
Qalada barlyǵy 15 jańajyldyq shyrsha qoıylady: Respýblıka saraıy aldynda, Abaı atyndaǵy qazaq memlekettik akademıalyq opera jáne balet teatry aldynda, Tuńǵysh prezıdent parkinde, "Almaty Arenada" jáne basqa jerlerde.
