Shymkentte pırotehnıkalardan keletin órt qaýipsizdiginiń aldyn alý maqsatynda Shymkent qalasy TJB mamandary bas qosty, dep habarlaıdy Qamshy.kz aqparat agenttigi. 

Daǵdarys ortalyǵynda ótken jıynǵa mamandardyń tórt kózi túgel jınaldy. Jańa jyldy qarsy alarda páterlerde, jeke turǵyn úılerde bengal otyn jaqpaý týraly eskertýler jasaldy. 

Sonymen qatar,  ot shashýlardy saýdalaıtyn saýdagerler de zańsyzdyqqa jol bermeýi tıis. Al mundaı derek tirkelmes úshin, jaýapty qyzmetkerler tekserý jumystaryn kúsheıtpek.

Shymkent qalasy TJB bas mamany Nurdáýlet Bekseıitov qaýipsizdik erejelerimen tanystyrdy. Onyń ishinde, shyrshanyń bekitilýi jaıynda aıtylyp, shyrsha mańyndaǵy elektr symdaryn arnaıy mamandar qosyp, óshirýi kerek delingen. 

Aıta ketý kerek, byltyr pırotehnıkany paıdalaný kezinde eshqandaı oqys jaǵdaılar tirkelmegen.