Naýryzbaı aýdanynyń basshysy Saıran Tápenulynyń Almaty qalasynyń Óńirlik komýnıkasıalar qyzmetinde ótken brıfıńte bergen aqparatyna súıensek, aýdan aýmaǵynda elektr jaryǵymen qamtamasyz etetin 512 transformator qondyrǵylary bar dep habarlaıdy Qamshy.kz aqparat agenttigi. Onyń ishindegi 138 «Alataý jaryq kompanıasy» AQ teńgeriminde, 356 jeke qoldanysta, 6 transformator qondyrǵysy, 2017 jyly sottyń sheshimine sáıkes ıesiz dep tanyldy.
Transformator qondyrǵylarynyń jaǵdaıy búgingi kúnde qanaǵattanarlyqsyz, eskirgen, tozý kórsetkishi 70% quraıdy. Aǵymdaǵy jyly «Alataý jaryq kompanıasy» AQ kúshimen 10 transformator qondyrǵysyna kúrdeli jóndeý jumystary júrgizildi, aǵymdaǵy jyly jóndeý jumystary 28 transformator qondyrǵysyna júrgizildi jáne 1 transformator qondyrǵysy aýystyryldy.
Sonymen qatar, aýdan basshysy atap ótkendeı, aýdan aýmaǵyndaǵy elektr jelileriniń uzyndyǵy 678,2 shaqyrym quraıdy, onyń 179,4 shaqyrymy «Alataý jaryq kompanıasy» AQ teńgerimine, 498,8 shaqyrym jeke qoldanysta. Elektr jelileriniń tozý kórsetkishi 63% quraıdy. Elektr jelilerinde oryn alatyn irkilisterdi tómendetý maqsatynda «Alataý jaryq kompanıasy» AQ kúshimen 1162 elektr baǵandary qaıta qurylymdalyp, uzyndyǵy 12,022 shaqyrym elektr jelileri júrgizilgeni jaıly jáne basqa da tyń aqparattarmen bólisti aýdan ákimi Saıran Sáıfedenov óz sózinde.
Naýryzbaı aýdanynda turǵyndardy aýyz sýmen qamtý kúrdeli máseleniń biri retinde kún tártibinen túspegen. Sý jelilerinde jylyna 300-ge deıin apat bolǵan.
Bul týraly aýdan ákimi Saıran Sáıfedenov aıtty.
Búgin Almaty qalasynyń Óńirlik komýnıkasıalar qyzmeti alańynda Almaty qalasy, Naýryzbaı aýdanynyń ákimi Saıran Sáıfedenov aýdandaǵy áleýmettik-ekonomıkalyq damýdyń nátıjeleri, aýdan ortalyqtarynda «Rýhanı jańǵyrý» baǵdarlamasynyń iske asyrylý barysy týraly málimdedi.
Aýdan ákimi 2017 jyldyń 11 aıy, ári aýdan ashylǵan 3 jyldyń ishinde atqarylǵan jumystarmen qatar, kúrdeli taqyryptardy da sóz etti.
«Turǵyndardy aýyz sýmen qamtý túıtkildi máselelerdiń biri bolyp otyr. Sý jelilerinde jylyna 300 apat bolady. Sý jetispeıtinine turǵyndar narazy. Sý jelisin júrgizý boıynsha joba ázirlendi. Osy jyldyń aıaǵy men aldaǵy jyldyń basynda memlekettik saraptamaǵa beriledi. Qarǵaly, Aqsaý ózenderiniń basynda sý tazalaý stansasy salynady. «Barlyq» bazary janynda úlken uńǵarnama qazý jumystary júrip jatyr. Aýdanda 2014 jyldan beri 118 shaqyrym jol salyndy. Keıbir eldi mekenderge aldaǵy ýaqytta sý jelileri úshin qazba jumystary josparlanyp otyrǵandyqtan asfált kirmeı otyr», - dedi aýdan ákimi.
