Shymkent qalasynda «Áıel jáne bıznes» forýmy ótti. Atalǵan jıynǵa túrli salada jetistikke jetip júrgen áıelder kelip, óz tájirıbelerimen bólisti, dep habarlaıdy Qamshy.kz aqparat agenttigi.
Elbasynyń halyqqa joldaǵan úshinshi úndeýi : Jahandyq básekege qabilettilik bolsa, bul úndeý áıelder qaýymyn da beı-jaı qaldyrmady. Atalǵan forýmda áıeldiń qoǵamdaǵy orny men, bıznestegi jetistikteri sóz boldy.
Forým barysynda óz isin damytýǵa nıet bildirgen bolashaq kásipker áıelderge qarjylaı kómek kórsetiletini aıtyldy. Eń tómengi qarjy 700 myńdy qurap otyr. Forým aıasynda Kásipkerler palatasy men Atameken isker áıelder keńesi óz isin bastady.
Al «Áıel jáne bıznes» forýmynyń maqsaty aýdan kólemindegi barsha áıelder qaýymynyń basyn qosyp, qoǵamdaǵy bedelin arttyrý.
Forým barysynda ál-Farabı aýdany ákimdigi men İsker áıelder keńesi arasynda qarym-qatynastyq memarandýmǵa qol qoıyldy. Eki jaq birlesip, qazirgi qaladaǵy áıelderdi tolǵandyryp júrgen máselelerin tyńdap, shaǵyn jáne orta bıznesti qoldaıtynyn jetkizdi.
Sondaı-aq, forýmda áıelder kásipkerligin damytý joldary ǵana emes, qarjylyq saýattylyqty arttyrý tásilderi de sóz boldy. Bul jóninde Eýropalyq qaıta qurý jáne damý bank ókili Mahabbat Kabıraeva málimdedi. Ońtústikte 60 myńǵa jýyq áıel jeke kásipker atanǵan. Al olardyń bıznes álemindegi maqsatyn júzege asyrý úshin osyndaı forýmdar jıi ótkiziletin bolady.
