Shymkent qalasynda «Qala daýysy» baıqaýynyń irikteý kezeńi aıaqtaldy, dep jazady Qamshy.kz aqparat agenttigi. 

Jas búldirshinder arasyndaǵy baıqaýda básekelestik basym bolyp, talanttylar ózara synǵa tústi. Barlyq qatysýshylar jeńisti qoldan bermeý úshin baryn saldy.

«Ónerli myńdy jyǵady» demekshi bolashaqqa batyl qadam jasap, zerektigimen tanylǵan jastar aramyzda kóp. Olardyń qatarynda 13 jastaǵy Zarına Nurjanova bar. 1,5 jyldan beri án úıirmesine qatysyp júrgen ónerpaz az ýaqyttyń ishinde óz ónerin shyńdap, namysty qoldan bermedi.

Ónerpazdardyń arasynda 14 jastaǵy Nuraı Janzaqova da bar. Erekshe daýysymen elitip, eliktirip áketetin talant ıesi qazylar alqasynyń da nazarynan tys qalmady. «Júrekten shyqqan sóz júrekke jetetinin» dáleldep, óziniń eshqandaı úıirmege qatyspaı- aq naǵyz tabıǵı talant ekenin tanytty.

Óz kezeginde qazylar alqasy da bolam degen balalardyń belin býyp, maqtaý marapattaryn joldady.