«Islam jıhadshylary» qozǵalysyna qatysýshy áıelder Palestına kóshelerinde marsh júrip ótip, amerıkandyq jáne ızraıldik jalaýlardy órtegen. Bul týraly Qamshy.kz aqparat agenttigi Lenta.rý-ǵa silteme berip habarlaıdy. Osy arqyly olar AQSH prezıdentiniń Ierýsalımdi Izraıldiń astanasy retinde moıyndaıtyndyǵyna qarsylyq kórsetti.
«Men barlyǵyn bul sheshimge qarsy shyǵýǵa shaqyramyn, birlikti saqtaımyz, qol qýsyryp otyryp qarap qalmaımyz»,-deıdi jıhadshy áıelderdiń biri.
Izraıl óziniń astanasyn Ierýsalım etip Ekinshi dúnıejúzilik soǵystan keıin 1946 jyly jarıalaǵan. 1967 jyly alty kúndik soǵystan keıin Izraıl ózine Shyǵys Ierýsalımdi qosyp ony Bastyspen biriktirgen, alaıda BUU muny moıyndamaǵan. Izraılmen dıplomatıalyq qarym-qatynastaǵy elderdiń elshilikteri Tel-Avıvte, Ramat-Gan men Gerslıada ornalasqan.
