2017 jyldyń 16 jeltoqsanynda Shymkent qalasynda jyl saıynǵy zamanaýı bı festıvali ótedi. Bul týraly Qamshy.kz aqparat agenttigi habarlaıdy.
«QalaSHym 2017» festıvali - QR-nyń Táýelsizdik kúnine oraı uıymdastyrylyp otyr. Festıváldiń basty maqsaty - áleýmettik jaǵdaıy tómen otbasylar men jetimderge kómek kórsetý men olardyń mádenıetke, bıge qyzyǵýshylyǵyn oıatý. Sonymen qatar atalǵan is-shara jastardyń ónerge degen mahabbatyn oıatý negizinde qolǵa alynyp otyr.
Sharany uıymdastyrýshy ExclusiveCorporation kompanıasy. ExclusiveCorporation kompanıasy osy ýaqytqa deıin birneshe ret respýblıka jáne qala kólemindegi túrli baıqaýlardy, festıváldar men konsertter uıymdastyryp júr.
Sonymen birge, osy jyly bul festıválge tájirıbe retinde «Erkin qazaq» nomınasıasy qosyldy. Atalǵan nomınasıa boıynsha jas aqyndar men rep oryndaýshylary baq synasady.
Atalmysh festıvál Shymkent qalasy, Baýyrjan Momyshuly 43/2 dańǵyly, Ońtúsik-Sırk ǵımaratynda ótedi.
