Saýd Arabıada qyzyn bir ýaqytta eki ret uzatqan ákeniń ústinen qylmystyq is qozǵaldy, dep habarlaıdy Qamshy.kz aqparat agenttigi sheteldik BAQ-qa silteme jasaı otyryp.

Saýdıalyq prokýratýranyń málimeti boıynsha, tártip buzýshy azamat birinshi kúıeý jigitpen kelisip, toı jasaǵan. Jastar 2 aı birge turǵannan keıin, kúıeý jigit jumys barysymen basqa qalaǵa ketip, qalyńdyq ákesimen birge turýǵa májbúr bolady.

Bir kúni Djıdde qalasynda belgili bir jumystarymen júrgen kúıeý jigit óz áıeliniń basqa bireýge kúıeýge shyǵyp jatqanyn estıdi. Sol ýaqytta jas jubaılardyń nekesi buzylmaǵan edi. Keıin kúıeý jigit áıeline úılengen jigitke habarlasyp, barlyq jaǵdaıdy túsindiredi. Osy aralyqta birinshi kúıeý jigittiń áıeli ekinshi kúıeýimen birge turǵan. Ekinshi kúıeý jigit bul týraly habarsyz ekenin aıtty. 

Keıin eki kúıeý jigit qaıyn atasynyń ústinen aryz jazdy. Qazir tergeý isteri júrgizilip jatyr.