2019 jyldan bastap jaratylystaný sıklindegi "Hımıa", "Fızıka", "Informatıka", "Bıologıa" pánderiniń ekeýin joǵary synyptarda aǵylshyn tilinde oqytý josparlanǵan, dep habarlaıdy Qamshy.kz aqparat agenttigi  ortcom.kz -ke silteme jasaı otyryp.

Bul týraly Ortalyq komýnıkasıalar qyzmetinde ótken «Informatıka», «Fızıka», «Hımıa», «Bıologıa» pánderi muǵalimderiniń biliktiligin joǵarylatý kýrstarynan ótýge qatysty baspasóz máslıhatynda aıtyldy.

Baspasóz konferensıasyna QR Bilim jáne ǵylym mınıstrliginiń Mektepke deıingi jáne orta bilim departamentiniń dırektory Sholpan Karınova, Nazarbaev ýnıversıtetiniń Stýdenttik ister jáne halyqaralyq yntymaqtastyq jónindegi vıse-prezıdenti Kadısha Daırova, Nazarbaev Ýnıversıtetiniń Bilim kóshbasshylyǵy ortalyǵynyń Bilim berý isteri jónindegi dırektor orynbasary Asel Mýhametjanova jáne Bilim kóshbasshylyǵy ortalyǵynyń Bilimdik jáne kásiptik baǵdarlamalar departamentiniń basshysy Laýra Qarabasova qatysty.

«NBO-da 4 pán boıynsha barlyǵy 31928 muǵalim bar. Onyń 62%-y aýyl muǵalimderi, qala boıynsha – 38%-dy quraıdy. 2 jyl ishinde respýblıkalyq búdjet esebinen 12179 muǵalim til kýrstarynan ótti. Onyń 750-i 2016 jyly oqytylsa, bıyl 11429-y til kýrstarynan ótti. Iaǵnı jalpy 40%-yn qamtydy», – deıdi QR Bilim jáne ǵylym mınıstrliginiń Mektepke deıingi jáne orta bilim departamentiniń dırektory Sholpan Karınova

Bul týraly "Informatıka", "Fızıka", "Hımıa", "Bıologıa" pánderi muǵalimderiniń biliktilikti joǵarylatý kýrstarynan ótýge qatysty ótken baspasóz máslıhatynda aıtyldy. 

Qazirgi ýaqytta til kýrstary Nazarbaev Ýnıversıteti, Nazarbaev zıatkerlik mektepteri, "Órleý", "USTAZ Professional Learning Centre" JSHS, "Astana School of Business and Technology" JSHS, "Astana Bilim Ordasy" JSHS qatarly alty uıymda ótkizilip jatyr.

"Halyqaralyq emtıhandardy tapsyrǵan jáne oqý baǵdarlamalaryn aǵylshyn tilinde ótkizip jatqan pán muǵalimderi úshin 2017 jyldyń 1 qyrkúıeginen bastap negizgi laýazymdyq qyzmetaqydan 200% kóleminde qosymsha tólem tólenedi", – dedi departament basshysy.