Almatyda Raıymbek batyr dańǵyly men Rozybakıev kóshesiniń qıylysynda ornalasqan «Barys» kóterme saýda kesheninde órt boldy, dep jazady Qamshy.kz aqparat agenttigi Azattyqqa súıenip.
Qalalyq tótenshe jaǵdaılar departamentiniń habarlaýynsha, bazardan órt shyqqany týraly habar 20 jeltoqsanǵa qaraǵan túni saǵat 4:31-de túsken.
Órt sóndirýshiler oqıǵa ornyna jetkende azyq-túlik saqtalǵan jeti konteıner janyp jatqan. Órt aýmaǵy 900 sharshy metrdi quraǵan. Órtten eshkim zardap shekpegen, órtti sóndirý kezinde birneshe gaz balony syrtqa shyǵarylǵan.
Bazardaǵy órt 96 adam men 27 tehnıkanyń kúshimen tańǵy saǵat 6:12-de tolyq óshirilgen. Órttiń neden shyqqan ázirge habarlanbady.
