Búgin Úkimet úıindegi baspasóz ortalyǵynda QR IDM Kólik komıteti men Avtomobıl joldary komıtetiniń basshylary «Nurly jol» baǵdarlamasyn iske asyrýdyń 2017 jylǵa arnalǵan nátıjelerin qorytyndylady dep habarlaıdy Qamshy.kz aqparat agenttigi.
QR IDM Avtomobıl joldary komıtetiniń tóraǵasy Mereke Pishembaevtyń aıtýynsha, bıyl Qaraǵadyny aınalyp ótetin joldy qosqanda Ortalyq-Ońtústik jobasynyń Temirtaý-Qaraǵandy ýchaskesinde qurylys jalǵasýda. Sondaı-aq, Ortalyq-SHyǵys jobasy boıynsha Astana-Pavlodar-Semeı-Qalbataý jáne Beıneý-Aqtaý, Aqtóbe-Atyraý, Qapshaǵaı-Taldyqorǵan, Astana-Petropavl jáne Oral-Qamenka ýchaskelerindegi jalpy uzaqtyǵy 1,2 myń shaqyrym bolatyn ýchaskelerde qurylys jumystary júrip jatyr.
Ótpeli jobalarmen qatar, búdjettik qarajat esebinen uzaqtyǵy 511 shaqyrym bolatyn Beıneý-Aqjigit, Shýchınsk-Zerendi, Taskesken-Bahty, Úsharal-Dostyq, Osınovskıı asýy, Qostanaı-Denısovka sıaqty 6 jobany iske asyrý qolǵa alyndy.
«2018-2019 jyldary respýblıkalyq mańyzy bar 6,2 myń shaqyrym avtojoldardy ortasha jóndeýden ótkizý úshin 4,4 myń shaqyrymdy rekonstrýksıalaý jáne 800 shaqyrym jolǵa kúrdeli jóndeý jumystaryn júrgizý josparlanyp otyr», - dedi M.Pishembaev.
Kelesi jyly Ortalyq-SHyǵys dáliziniń Astana-Pavlodar ýchaskesin, Temirtaý-Qaraǵandy ýchaskesin, Saratovqa shyǵatyn Oral-Qamenka avtojolyn jáne Taskesken-Baqty ýchaskelerin aıaqtaý josparlanyp otyr.
BıylAstana-Temirtaý, Almaty-Qapshaǵaı jáne Almaty-Qorǵas ýchaskelerinde aqyly jol júıesin qurý boıynsha jumys bastaldy. Onyń josparlanǵan jyldyq jınaǵy 4 mlrd. teńgeni quraıtyn bolady.
2020 jylǵa qaraı aqyly joldan túsetin jyl saıynǵy jıyntyq 30 mlrd. teńgeni quraıtyn bolady. Jalpy alǵanda, júrgizilgen jumystyń qorytyndysy boıynsha respýblıkalyq mańyzy bar avtomobıl joldarynyń 90% -yn jaqsartý, İ jáne İİ-tehnıkalyq sanattaǵy avtomobıl joldarynyń úlesin 50% -ǵa deıin arttyrý kózdelgen. Bul júk tasymalyn 2 esege arttyrýǵa jáne jolǵa ketetin ýaqytty 1,5 esege azaıtýǵa múmkindik beredi.
QR IDM Kólik komıteti tóraǵasynyń orynbasary Dmıtrıı Potlovtyń aıtýynsha, 2017 jylǵy qarashada Almaty-SHý ýchaskesinde jalpy uzaqtyǵy 112,37 km ekinshi joldy salý jobasyn júzege asyrý boıynsha jumystar aıaqtaldy. Jobany júzege asyrý ýchaskeniń ótkizý múmkindigin kúnine 17-den 68 jup poıyzǵa deıin arttyrdy jáne poıyzdyń jol júrý ýaqytyn 1,5 esege qysqartýǵa múmkindik berdi.
2016 jylǵy jeltoqsanda Quryq portynda - jylyna 4 mln. tonna júk tasymaldaıtyn temirjol parom termınaly iske qosyldy. Operasıalar bastalǵan kezden beri (aǵymdaǵy jyldyń naýryzynan bastap) shamamen 1,3 mıllıon tonna júk óńdeldi. Qazirgi ýaqytta jylyna 2 mln. tonna júkti óńdeıtin jobanyń ekinshi kezeńin iske asyrý jalǵasýda.
Bıyl 6 jeltoqsanda ótken ındýstrıalandyrý kúni aıasynda Quryq portyndaǵy avtokólik parom termınalyn synaqtan ótkizý júzege asyryldy. 2018 jyly 2 kezeń nysandarynyń qurylysyn aıaqtaý josparlanýda. Jalpy alǵanda, jobany aıaqtaǵannan keıin Kaspıı teńizindegi teńiz porttarynyń ótkizý múmkindikteri jylyna 26 mln. tonnaǵa deıin jetkiziledi.
2017 jyldyń 30 mamyrynda jańa «Nurly jol» vokzal kesheni iske qosyldy. Jańa vokzal kesheni 52 poıyzǵa qyzmet kórsetedi. Olardyń ishinde 16 joǵary jyldamdyqty «Tulpar-Talgo», 22 jáne 14 qala mańyndaǵy elektrlik poıyzdar bar.
Ortasha alǵanda, táýligine 16 jup, al demalys kúnderi - 20 jup poıyz ótedi. Jalpy, jańa vokzaldyń ótkizý qmúmkindigi táýligine 35 myń jolaýshyǵa deıin jetedi. Eki vokzaldyń jalpy ótkizý múmkindigitáýligine 47 myń jolaýshǵa jetedi.
