Ómirden ótkenine 35 jyl bolsa da, onyń qazaq azamatyna saı tik minezi, ómiriniń sońyna deıin adam atyna kir keltirmegeni, artyna qaldyrǵan qymbat qazyna – kitaptary men qanatty sózderi búgingi urpaqqa ónege bolmaq. Osyndaı birtýar batyrdy qazaq halqyna syılaǵan kún qurmetine Baýyrjan Momyshuly týraly derekter usynamyz.

Baýyrjan Momyshuly úsh qyzdan keıin, ákesiniń 53 jasynda dúnıege kelgen.

Bala kezdegi laqap aty – «Shańtımes».

22 jasynda áskerı qyzmetti qatardaǵy jaýyngerden bastap, 5 myń basy (dıvızıa komandıri) bolý dárejesine deıin jetken.

Soǵys ýaqytynda dıvızıa basqarǵan eki-aq qazaqtyń biri bolǵan. Ekinshisi – Ábilqaıyr Baımoldın.

Máskeý úshin shaıqasta 207 ret urysqa kirgen.

Boıy 1 metr 78 santımetr.

Qysty kúngi aıazda da terezeni ashyp uıyqtaıtyn, qolǵap kımeıtin bolǵan.

Qolyna túsken qaǵazǵa oıý oıyp, sýret salatyn bolǵan. Bir-birine uqsamaıtyn 70-ke jýyq oıýy saqtalǵan.

Eńbek jolyn ustazdyqtan bastap, bastaýysh synyptarǵa sabaq bergen, bank ekonomısi qyzmetine atqarǵan, at ústinde qylyshpen óner kórsetýdiń sheberi, soǵystan kelgen soń jazýmen, shyǵarmashylyqpen aınalysqan.

Orys tilin ádeıilep ádemi qazaqsha aksentpen sóıleıtin bolǵan.

Daıyndaǵan:Ásel Asanova