«Qıyrdaǵy qazaqtar» derekti fılminiń tızeri jaryq kórdi, bul týraly Qazcontent AQ Basqarma tóraǵasy E.D.Kochetov óziniń feısbýk paraqshasynda habardar etti dep habarlaıdy Qamshy.kz aqparat agenttigi. 

Sonymen, «Qazcontent» AQ «Qıyrdaǵy qazaqtar» fılminiń tızerin nazarlaryńyzǵa usynady. «Qazaqstan tarıxy» ınternet-portalynyń jetekshisi Oljas Berkinbaev pen joba ujymy qyrýar sharýany bitirip, myńdaǵan shaqyrymdardy artqa tastap, ózge eldegi qandastarymyzdyń tynys-tirshiligin kórsetkisi kelýde. 

Derekti fılmniń basty maqsaty sheteldegi qandastarymyzdyń tynys-tirshiligin kórsetý.

Esterińizge sala keteıik, ústimizdegi jyldyń shilde aıynda aqparat mınıstri Dáýren Abaevtyń qatysýymen sheteldegi qazaqtardyń tarıxy men kúndelikti ómirlerin kórsetetin aýqymdy jobanyń bastalǵanyn málimdegen brıfıń ótken edi. Sol ýaqyttan beri alys-jaqyn shet elderde túsirilim jumystary júrgizildi.

Jýyq arada fılmniń birinshi serıasy jaryqqa shyǵady, alǵashqy toqtaǵan el Reseı. Fılm keler jyly Ózbekstan, Tájikstan jáne Mońǵolıa elderinde óz jalǵasyn tabady dep kútilýde.