Instagram juldyzyna aınalǵan Aıjan Baızaqovany úsh kúnge qamap qoıdy. Búgin kúndiz Aıjandy Almaly aýdandyq ishki ister basqarmasyna shaqyrǵan, dep jazady Qamshy.kz aqparat agenttigi. Bul týraly tengrinews.kz habarlady. 

Almaty İİD baspasóz qyzmetiniń málimetine súıensek, 22 jastaǵy boıjetkendi kishigirim buzaqylyq áreketi boıynsha shaqyrtqan. Budan buryn áleýmettik jelide qyzdardyń aqshaǵa bola almatylyq klýbtardyń birinde sheshinip jatqan vıdeosy taraǵan.

«Almaty turǵyny A.S. Baızaqovanyń isine qatysty 434-bap, ákimshilik quqyqbuzýshylyq týraly QR Kodeksiniń 1-bólimine sáıkes hattama jasaldy. Ony qoǵamdyq tártipti jáne etıkalyq normalardy buzý arqyly qoǵamdyq is-sharany ótkizgeni úshin aıyptady. İstiń aqparaty Almaty qalasynyń mamandandyrylǵan aýdanaralyq ákimshilik sotyna jiberildi. A.S. Baızaqovanyń isi tolyǵymen dáleldendi. Sot sheshimi boıynsha ol úsh kúnge ákimshilik qamaýǵa alyndy», - delingen Almaty qalasynyń mamandandyrylǵan aýdanaralyq ákimshilik sotynyń habarlamasynda.

Áleýmettik jelide halyqtyń nazaryn ózine qaratyp, synyna ushyraǵan Aıjan Baızaqova kinásin moıyndap, istegen isine ókinetindigin jetkizgen.