27 jeltoqsanda túngi saǵat bir kezinde "112" nómirine belgisiz adam habarlasyp, Astana qalasynyń eski temirjol vokzalyna jarylǵysh zat ornatylǵanyn habarlaǵan. Vokzal aýmaǵynan 150 adam qaýipsiz jerge shyǵaryldy, oqıǵa ornynda jedel qyzmetter jumys istegen dep habarlaıdy Qamshy.kz aqparat agenttigi  Astana qalasynyń kóliktegi ishki ister departamenti baspasóz qyzmetine silteme jasap.

Polısıa elordalyq vokzalǵa bomba qoıyldy dep jalǵan habar bergen er adamdy ustady.

Oqıǵa ornyna barlyq jedel qyzmet shuǵyl kelip jetti. Vokzal aýmaǵy qorshalyp, 150 adam qaýipsiz jerge shyǵaryldy, olardyń 50-i – temirjol qyzmetkeri, 100-i – jolaýshylar.

Ǵımaratty tintý barysynda jarylǵysh qurylǵy tabylǵan joq. Atalǵan derek jalǵan terorızm baby boıynsha sotqa deıingi tergeý amaldarynyń biryńǵaı reestrine tirkelgen.

Jedel izdeý sharalary nátıjesinde vokzaldaǵy "bomba" týraly habarlaǵan 64 jastaǵy er adam ustaldy, qazir ýaqytsha ustaý ızolátorynda otyr.

Vokzal shtattyq rejımde jumys istep, poıyzdar keshiktirilgen joq.

Jalǵan habar bergen qart adam alty jylǵa sottalýy múmkin.