Latvıa astanasy Rıgada Qazaqstan Prezıdenti Ákimshiliginiń eks-jetekshisi Aslan Mýsınniń uly - Asylbek Mýsın qaıtys boldy. Bul málimetti QR SİM ókilderi rastady, - dep habarlaıdy Qamshy.kz aqparat agenttigi Tengrinews.kz-ke silteme jasap.
"Onyń (Asylbek Mýsınniń - avtor.) Rıgada qaıtys bolǵanyn rastaımyz. Rıgadaǵy konsýl oqıǵanyń mán-jaıyn anyqtap jatyr", - dep habarlady QR SİM baspasóz qyzmetindegiler.
Asylbek Mýsınniń ákesi Aslan Mýsın 2008-2012 jyldary Qazaqstan Prezıdenti Ákimshiligin basqarǵan. Al 2014 jyldyń naýryzynda Aslan Mýsın Qazaqstannyń Horvatıadaǵy elshisi bolyp taǵaıyndaldy. Biraq 2017 jyldyń qańtarynda zeınet jasyna kelýine baılanysty bul qyzmetten bosatyldy.
