Almaty qalasy Medeý aýdanynyń polıseıleri AQSH azamatynyń aqshasyn qaıtarýǵa kómektesti. Jeke tasymaldaýshy sheteldikten Almaty halyqaralyq áýejaıynan "Qazaqstan" qonaqúıine deıin 40 myń teńge alǵan, dep habarlady İshki ister departamentiniń baspasóz qyzmeti.
"Qonaq úı qyzmetkerleri dabyl qaǵyp, "102" púltine bolǵan jaıtty habarlady. Biz dereý júrgizýshiniń jeke tulǵasyn anyqtap, ony İshki ister basqarmasyna shaqyrdyq. Er adam shetel azamatynyń qalany bilmeıtinin paıdalanyp, jolaqyny ádeıi kóterip aıtqanyn moıyndady. Ol 53 jastaǵy áıelge aqshasyn qaıtaryp berdi", — deıdi Medeý aýdany İİB bastyǵy Bolat Totybaev.
Polısıa maıorynyń aıtýynsha, AQSH azamaty qaıyrymdy qazaqstandyqtarǵa kómek kórsetkeni úshin alǵys aıtqan.
"Sonymen qatar, biz taksı júrgizýshisine elimizdiń ımıjine teris yqpal etetin mundaı faktilerge jol bermeý kerek ekenin túsindirdik", — dep túıindedi ol.
