Reseı prezıdenti Vladımır Pýtın Ortalyq saılaý komısıasyna 2018 jyldyń naýryzynda ótetin prezıdent saılaýyna qatysý úshin qujattaryn tapsyrdy. Reseılik aqparat agenttiginiń habarlaýynsha, komısıa músheleri Pýtınnen qujatyn qabyldap alǵany týraly hattama toltyrǵan, dep Qamshy.kz aqparat agenttigi Azattyqqa siltep jazady. 

Pýtın prezıdent saılaýyna kandıdat retinde 26 jeltoqsanda Máskeýdiń VDNH pavılonynda ótken jıynda usynylǵan. Bastamashyl top jıynyna bılik ókilderinen ózge mádenıet, sport jáne shoý-bıznes ókilderi de qatysqan. Pýtınniń ózi bul sharada bolmady. Kreml munyń aldynda Pýtınniń «jumys kestesi tyǵyz, qoly bosamaıtyndyqtan» bastamashyl top jıynyna qatyspaıtynyn habarlaǵan.

Pýtınniń jasy qazir 65-te. Ol Reseıdi 1999 jyldyń aıaǵynan beri basqaryp keledi. Ol tórt jyl úkimet basshysy, 13 jyl el prezıdenti retinde bılikte otyr.