Ádilet mınıstrliginiń memlekettik baqylaý qyzmeti Qarjy mınıstrligine ótedi. Bul jaıynda búgin QR Parlamenti Senatynyń jalpy otyrysynda Ádilet mınıstri Marat Beketaev aıtty, dep habarlaıdy Qamshy.kz aqparat agenttigi QazAqparat málimetine súıenip.

Aıta keterligi, ol senatorlardyń nazaryna «Qazaqstan Respýblıkasynyń baǵalaý qyzmeti týraly» QR zańynyń jobasyn tanystyrǵan bolatyn. «Atalǵan zań jobasy Qazaqstan Respýblıkasynda baǵalaý qyzmetin odan ári jetildirýge baǵyttalǵan. Zań jobasynda mınıstrliktiń baǵalaý qyzmeti salalaryndaǵy fýnksıalaryn ózin-ózi retteý salasyna berý usynylady. Sonymen birge memlekettik baqylaý Qarjy mınıstrliginiń qyzmetine ótedi.

Retteýshilik áserdiń taldaý qorytyndysy boıynsha neǵurlym tıimdi sheshim retinde mindetti mólsherlik negizindegi ózin-ózi retteý quraly anyqtaldy. Bul rette negizgi zań jobasynda  ózin-ózi retteý uıymy músheleriniń sanyn 300 baǵalaýshy jeke tulǵa deńgeıinde bekitý usynylyp otyr», - dedi mınıstr.

Onyń aıtýnysha, ózin-ózi retteýdiń sýbektileri bolyp, jeke tulǵalar tanylady. Baǵalaý qyzmeti óziniń kásipkerlik sıpatyna baılanysty ózin-ózin retteý modeline neǵurlym qolaıly. Atalǵan model AQSH-ta, Reseıde, Kanadada, Ulybrıtanıada, Fınlándıada jáne Italıada bar. Bul ekonomıkalyq yntymaqtastyq jáne damý uıymynyń qaǵıdattaryna sáıkes keledi. Jeke tulǵalardy lısenzıalaýdyń ornyna baǵalaýshylardy sertıfıkattaýdy engizý usynylady. Sertıfıkattaý júrgizý tájirıbesi Qazaqstanda aýdıtorlyq qyzmet salasynda jáne shetelderdiń baǵalaý qyzmeti salasynda bar ekenin atap ótken jón.

Atalǵan erejeni Qazaqstan zańyna sáıkestendirý úshin ilespe zań jobasynda, Azamattyq kodekske, «Ruqsattar men habarlamalar týraly» Zańǵa ózgerister engizý kózdelgen»,- dedi Sultanov.

Onyń aıtýynsha, baǵalaýshylar palatasy jumysyna ózin-ózi retteýdiń eki tetigin engizedi. Birinshisi - baǵalaý sapasyn ishki jáne syrtqy baqylaý. Ekinshisi  - baǵalaýshylar palatalarynyń baǵalaýshylardyń esepterine saraptama júrgizýdiń rásimi.