Áke óz balasyna dúnıeden ótken áıeliniń daýsymen sóıleıtin oıynshyq syılaǵan, dep Qamshy.kz aqparat agenttigi life.ru -ǵa súıenip jazady. Antonıo Vargas esimdi erkek 2017 jyldyń jazynda áıelin joǵaltqan.
Onyń uly ózimen attas Antonıo anasyn qatty saǵynyp, onsyz jańa jyldyq merekeni qalaı ótkizetinin elestete almaǵan. Sol kezde ákesi Build-A-Bear kompanıasyna habarlasyp, jańa qýyrshaq qurastyryp berýin suraǵan.
Ákesi maımyl keıpindegi jańa jyldyq qyzyl telpek kıgen oıynshyqqa tapyrys bergen. Oıynshyq balanyń dúnıeden ótken anasynyń daýsymen sóıleıdi. Antonıo bul oıynshyqty jasatarda áıeliniń tek ulyna ǵana aıtqan sózderi jazylǵan aýdıony tańdaǵan. Onda anasy ekinshi Antonıoǵa: «Sen meniń kishkentaı maımylymsyń» dep jatyr.
