Sý basý qaýipiniń aldyn alý maqsatynda PMK-29 aýmaǵyn bekitý jumystary júrgizilýde
2017 jylǵy 28 jeltoqsanda ózen arnasyndaǵy muz keptelisteri saldarynan sý deńgeıi kóterilip, Syrdarıa ózeniniń eski arnasy tolysyp, PMK-29 saıajaıynyń ishki kanalyna kóp mólsherdegi sýdyń túsýinen turǵyn jaıdyń aýlasyna sý jaıylǵan dep habarlaıdy Qamshy.kz aqparat agenttigi Qyzylorda oblysy ákimdiginiń bapasóz qyzmetine silteme jasap.
Jalpy PMK-29 saıajaıy ózen arnasyndaǵy sý deńgeıi joǵarylaý kezeńderinde sý jaıylatyn aımaq bolǵandyqtan turǵyndarǵa aldyn- ala eskertpe hattar taratylǵan.
Saıajaıda barlyǵy 36 turaqjaı bar. Onyń ishinde adamdardyń qysy-jazy turaqty turyp jatqany - 2 otbasy.
"Osyǵan baılanysty, bekitilgen jaýapty mekemelerdiń arnaıy tehnıkalaryn (6 júk kóligi, 1 traktor, 1 ekskavator) jumyldyra otyryp, sý jaıylýdyń aldyn-alý maqsatynda topyraqpen bekitý jumystary júrgizilýde. Saıajaıdy sý basý qaýipi týyndaǵan jaǵdaıda aldyn alýǵa jumyldyrylatyn barlyq kúshter men quraldar daıyn", - dedi oblystyq jumyldyrý daıyndyǵy basqarmasynyń basshysy Serik Sermaǵambetov.
