Aqparat jáne komýnıkasıalar mınıstrligi atyshýly Aıjan Baızakovanyń Instagram paraqshasynyń buǵattalýyna qatysty pikir bildirdi dep habarlaıdy Qamshy.kz aqparat agenttigi tengrinews.kz-ke silteme jasap.
«Aıjan Baızaqovanyń Instagram paraqshasynyń buǵattalýyna QR Aqparat jáne komýnıkasıalar mınıstrliginiń esh qatysy joq» dedi vedomstva ókili.
Aıjan Baızakova áleýmettik jeli ákimshiligi onyń paraqshasyn qalpyna keltirý máselesin qarastyryp jatqanyn aıtqan.
«Bilmeımin. Meniń oıymsha, akkaýntqa kóp adam shaǵym túsirgen. Sot bolǵan kúni paraqsham jabylyp qalǵany esimde. Sotqa kirgende Instagram paraqshamdy asha almaǵan edim. Ol buǵattaldy dep jazylyp turǵan. Paraqshamnyń qaıtarylǵanyn kútip júrmin» dedi Aıjan Baızaqova.
