QR Din isteri jáne azamattyq qoǵam mınıstrliginiń Jastar saıasaty departamentiniń dırektory bolyp Oralov Asqat Razdyquly  taǵaıyndaldy. Búgin jańa basshy mınıstrlik ujymyna tanystyryldy dep habarlaıdy Qamshy.kz aqparat agenttigi. 

Asqat Oralov 1990 jyldyń 10 aqpanynda Pavlodar oblysynyń Aqsý qalasynda dúnıege kelgen. 

«Aýdarma isi»  mamandyǵy boıynsha joǵary bilimi bar jáne «Halyqaralyq qatynastar» mamandyǵy boıynsha magıstrlik jáne PhD doktorlyq  dárejesine ıe.

2010 jyldyń aqpan aıynan bastap  2014 jyldyń sáýirine deıin – Astana qalalyq «Nur Otan» partıasynyń «Jas Otan» jastar qanatynyń hatshylyǵynda basshylyq laýazymdardy atqarǵan.

         2011 jyldyń jeltoqsany men 2012 jyldyń qyrkúıegi aralyǵynda L.N.Gýmılev atyndaǵy EUÝ-niń áleýmettik-tárbıe jónindegi departamentinde bas maman, 2013 jyldyń maýsymy jáne      2014 jyldyń sáýir aıy aralyǵynda  L.N.Gýmılev atyndaǵy EUÝ-niń uıymdastyrýshylyq jumys jónindegi bóliminde bas maman bolyp qyzmet atqarǵan.

         Al, 2014 jyldyń mamyr aıynan 2016 jyldyń jeltoqsanyna deıin Astana qalalyq  «Nur Otan» partıasynyń «Nur» fılıaly tóraǵasynyń birinshi orynbasary bolǵan.

         2016 jyldyń naýryz aıynda Astana qalalyq máslıhatynyń VI shaqyrylym depýtaty bolyp saılanady.

Asqat Razdyquly Din isteri jáne azamattyq qoǵam mınıstrliginiń jastar saıasaty departamenti dırektory laýazymyna  taǵaıyndalǵanǵa deıin Astana qalasy ákimdiginiń Jastar saıasaty máseleleri jónindegi basqarmasynyń basshysy bolyp qyzmet etti.