Bıyl bas qalamyz 20-jyldyq mereıtoıyn atap ótpek. Astana óziniń sýyq qysymen erekshelenedi. JasOtandyqtar Jańa 2018 jyldyń birinshi jumys kúnin qalanyń komýnaldy qyzmetkerlerine sózdiń týra maǵynasynda jylý syılaýmen – tegin sháı taratýmen bastady. Jastar jumys kúni aýa raıy jaǵdaıyna qaramastan tańnyń atysynan bastalatyn, eńbegi kúndelikti ómirde baıqalmaıtyn aýla tazalaýshylaryna erekshe qurmet bildirdi. Osy oraıda jastar «Kel, sháı isheıik» mını-festi arqyly qala turǵyndaryn ózgelerdiń eńbegin baǵalaýǵa shaqyrady.

Danıar Súndetbaev, «Jas Otan» tóraǵasy: «Qoǵamda sabaǵyn nashar oqyǵan bala óskende aýla tazalýshy bolady degen stereotıp qalyptasqan. Bizdiń maqsat – sol ustanymdy joqqa shyǵaryp, osy mamandyqtyń mańyzdylyǵyn kórsetý. Bul mamandyq ıeleriniń arasynda birimizge ana, birimizge qaryndas bolatyn áıel adamdary da bar.  Jolymyzda kezdesken qyzmetkerlerge izet tanytyp, amandasyp, qolymyzdan kelgenshe kómek kórsetýge shaqyramyn».

Mını fest tańerteńgi 11-de bastalyp, kúni boıy jalǵasyn tapty. JasOtandyqtar shaǵyn avtobýspen qalany aralap, baýyrsaq pen sháı taratty. Sondaı-aq, jastar Elordanyń komýnaldy qyzmetkerlerimen áńgimelesip, kómek qolyn sozdy.

Qar tazalap tońǵan qyzmetkerler, ystyq shaı iship jylynyp qalǵandaryn aıtyp, alǵystaryn bildirdi.