Qazaqstandyq vıdeo bloger Danıar Enıkeev Edınbýrg turǵyndary arasynda suraý júrgizdi dep habarlaıdy Qamshy.kz aqparat agenttigi. Oǵan sáıkes, turǵyndar men qonaqtar qazaqstandyq belgili er adamdardyń qaı eldiń azamaty ekenin  boljady. Bloger jaıaý júrginshilerge kásipqoı boksshy Qanat Islam, 91 toby, akter Berik Aıtjanov, akter Erden Telemisov, ánshi Dımash Qudaıbergen, akter Tólepbergen Baısaqalov, ánshi Álı Oqapov jáne akter Sanjar Madıevtiń sýretin kórsetti.

Qala turǵyndary men qonaqtarynyń eshbiri túrli salada ózderin jaqsy qyrynan kórsete bilgen bilekti eldi azamattardy qaı eldiń týmasy ekenin durys tappady. Olar túrli boljamdar aıtty. Kóbi Azıa elderin atady. Onyń ishinde Monǵolıa, Koreıa, Qytaı men Japonıa bar. Alaıda Qazaqstanǵa tanylmal azamattardy AQSH, Portýgalıa jáne Eýropa elderiniń azamattary dep boljaǵandar da tabyldy.