Memlekettik qyzmet isteri jáne sybaılas jemqorlyqqa qarsy is-qımyl agenttigi kólik quraldaryn tirkeý jáne qaıta tirkeý, esepke alý boıynsha memlekettik kórsetiletin qyzmetterdi taldady dep habarlaıdy Qamshy.kz aqparat agenttigi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń baspasóz qyzmetine silteme jasap.  
Azamattar avtokólikti esepten shyǵarý kezinde jańa esepke alatyn avtokólikke óziniń burynǵy memlekettik nómirlerin ornatýda 2,8 AEK kóleminde memlekettik bajdy, sonyń ishinde Arnaıy HQKO jáne İİM tirkeý-emtıhan bólimshelerinde saqtaýda turǵan nómirler úshin de tóleıtinin tájirbıe kórsetip otyr.
Osylaısha, bir jylda orta eseppen memlekettik tirkeý nómiri belgilerin saqtaýǵa 11 myńǵa jýyq azamat ótinish beredi jáne bul olardy qaıta ornatý úshin 63 mln. tengeden astam sommaǵa memlekettik baj tólegenmen ekvıvalentti.
30 jumys kúnine deıin memlekettik nómirlerdi qaıta ornatý kezinde memlekettik bajdardy (AEK kóleminiń jyl saıynǵy ósýin eskergende 2018 jyldan bastap 6 734 tenge kóleminde) tóleý qajettiligin alyp tastaý maqsatynda, Agenttik usynymdarynyń negizinde Salyq kodeksine ózgertýler men tolyqtyrýlar engizildi. Jańalyq osy jyldan bastap júzege asa bastady.
Osyǵan qosa, memlekettik nómirdiń 1 danasy joǵalǵan nemese jaramsyz bolǵan kezde azamattarǵa onyń telnusqalarynyń komplektisi (2 danasy) úshin mindetti túrde memlekettik bajdy tóledi nemese avtomashınany qaıta tirkedi.
Mysaly, bir jylda orta eseppen memlekettik tirkeý nómiri belgileriniń telnusqalaryn daıyndaýǵa 1,9 myńǵa jýyq azamat 11 mln. tengeden astam sommaǵa ótinish beretinin kórsetti.
Avtokólik ıeleri tarapynan qosymsha shyǵystar bolmaýy maqsatynda sonymen qatar jańa Salyq kodeksine sáıkes memlekettik nómirdiń 1 danasy úshin 6 734 teńge ornyna 3 367 teńgege daıyndaýǵa ótinish berý múmkindigi usynylady.
Rásimderdi ońaılandyrý, ákimshilik kedergiler men sybaılas jemqorlyq qaterlerdi joıý Agenttik jumysynyń basymdylyǵy ekenin atap ótý kerek.