19 jastaǵy Elena Ivanova ádildik izdeıdi. Jas qyz vıdeojoldaý túsirip ony áleýmettik jelige taratqan. Bul týraly 31.kz-ke silteme berip Qamshy.kz aqparat agenttigi habarlaıdy. Onyń sózine qaraǵanda, osy jazda ol eks-májilis depýtaty tarapynan zorlyqqa ushyraǵan. Alaıda, onyń kinásin moıyndata almaǵan. Qazirgi ýaqytta qyz polıseılerdiń baqylaýynda anaıy páterde turyp jatyr.
Elena Ivanova osydan bes aı buryn oqýyn tóleý úshin qurylys ornynda boıaýshy bolyp jumys istegen. 11 tamyzda sol uıymnyń basshysy ony zorlaǵan. Sot medısınalyq saraptamasy bul fakti dáleldense de, is jabylǵan. Tyǵyryqqa tirelgen Elena endi el prezıdentinen kómek suraıdy.
«Meni osy qurylys ornynyń basshysy zorlady. Burynǵy depýtat, Nurotandyq. Ol meni aldap, zorlap ketti. Qazir men onymen kúresip kelemin. İsti jaýyp tastady. Men onyń jalǵyz qurbany emespin. Nursultan Nazarbaevtan basqa eshkimnen kómek suraı almaımyn»-deıdi qyz.
Tergeý áreketteri toqtatylsa da, Elena tyǵylyp júrýge, polıseıler baqylaýynda júrýge májbúr.
