Bosanǵanda tólenetin bir rettik járdemaqy dekrettik demalysqa deıin jumys istegen, istemegenine qaramastan barlyq bosanǵan analarǵa taǵaıyndalady, dep jazady altaynews-ke silteme berip Qamshy.kz aqparat agenttigi. Bul járdemaqy memlekettik búdjetten tólenedi. 2018 jyldyń 1 qańtarynan bastap ol aılyq eseptik kórsetkish mólsheriniń artýyna baılanysty alty paıyzǵa ósetin bolady.
«Vedomstvoaralyq áleýmettik tólemderdi esepteý ortalyǵy» departamenti mamandarynyń málimetine súıensek, atalmysh járdemaqynyń mólsheri birinshi, ekinshi, úshinshi balaǵa 38 aılyq eseptik kórsetkishti quraıdy. Iaǵnı, 2018 jylǵy mólsheri - 91390 teńge. Tórtinshi jáne odan keıingi balalarǵa 63 aılyq eseptik kórsetkish, bul degenimiz 151515 teńge. Dúnıege egiz nemese úshem kelse, járdemaqy ár balaǵa tólenedi.
