Respýblıkanyń basym bóliginde jaýyn-shashynsyz aýa raıy kútiledi, tek elimizdiń ońtústiginde atmosferalyq fronttardyń ótýine baılanysty jaýyn-shashyn jaýady. Keı jerlerde jeldiń kúsheıýi, tuman, kóktaıǵaq kútiledi dep habarlaıdy Qazgıdromet-ke silteme berip Qamshy.kz aqparat agenttigi.
Ońtústik Qazaqstan, Qyzylorda, Jambyl oblystarynyń keı jerlerinde tuman, kóktaıǵaq bolyp, jeldiń 15-20 m/s kúsheıýi kútiledi. Aqmola, Qostanaı, Soltústik Qazaqstan, Pavlodar, Shyǵys Qazaqstan, Mańǵystaý, Batys Qazaqstan oblystarynda, túnde Almaty oblysynyń keı jerinde tuman kútiledi. Qaraǵandy oblysynyń keı jerlerinde tuman bolyp, jel 15-20 m/s kúsheıedi.
