M.Áýezov atyndaǵy akademıalyq qazaq drama teatrynyń dırektory Erlan Bilál para alǵany úshin ustaldy dep habarlaıdy Qamshy.kz aqparat agenttigi. 

"Erlan Biláldiń Jańa jyl qarsańynda, balalarǵa arnalǵan merekelik sharalardy ótkizý úshin ǵımaratty jalǵa alý maqsatynda 1,5 mln teńge para alǵandyǵy anyqtaldy",-delingen QR Memlekettik qyzmet isteri jáne sybaılas jemqorlyqqa qarsy  Ulttyq búrosynyń resmı ókili  Nurlan Jahınniń  habarlamasynda.

M.Áýezov atyndaǵy akademıalyq qazaq drama teatrynyń dırektory Erlan Bilál  óziniń kinásin tolyqtaı moıyndaǵandyqtan qamaýǵa alynǵan joq. Qazirgi ýaqytta sotqa deıingi tergeý jumystary júrgizilip jatyr.

Aıta keteıik, Bilál Erlan Ábdildauly — Qazaqstannyń eńbek sińirgen qaıratkeri, Qazaqstan Jastar odaǵy syılyǵynyń laýreaty, Baýyrjan Momyshuly atyndaǵy «Namys» ordeniniń ıegeri, «Qurmet» ordeniniń ıegeri.

Ol  2011jyly M.Áýezov teatrynyń dırektornyń orynbasary bolyp taǵaıyndalǵan. 2015 jyldan  bastap atalmysh teatr dırektory laýazymynda.