Qarý-jaraq qoldaný arqyly qylmys jasaýdyń aldyn alý maqsatynda 2017 jyldyń sáýirinen sol jyldyń jeltoqsanyna deıin respýblıka aýmaǵynda halyqtan zańsyz túrde jarylǵysh zattar men oq-dárilerdi satyp alý aksıasy ótti. Bul týraly QR İİM Memlekettik til jáne aqparat departamentiniń dırektory Almas Sadýbaev Feısbýktegi paraqshasynda málimdedi, dep habarlaıdy Qamshy.kz aqparat agenttigi.
«Shara nátıjesine sáıkes, ishki ister organdaryna 3 myńǵa jýyq atys qarýyn, 60 myńnan astam oq-dári men 14 keli jarylǵysh zattardy ótkizip 2,1 myń azamat júgingen. Halyqtan qarý-jaraqty satyp alý sharasy 2012 jyldan beri júrgizilip keledi», - dep jazdy Sadýbaev.
Onyń aıtýynsha, sońǵy 5 jylda qarý-jaraq qoldaný arqyly jasalatyn qylmystar 55 paıyzǵa tómendegen. Azamattardyń qarý-jaraqty, oq-dáriler men jarylǵysh zattardy óz erikterimen qaıtarymsyz negizde tapsyrý tártibi İshki ister mınıstrliginiń resmı saıtynda ornalasqanyn atap ótken.
