Almatyda Mercedes pen avtobýstyń soqtyǵysýy saldarynan úsh adam zardap shekti, dep habarlaıdy Qamshy.kz aqparat agenttigi patrul.kz portalyna silteme jasap.
Jol-kólik oqıǵasy 7 qańtarda 22:00 shamasynda Tóle bı kóshesinde bolǵan. Avtobýs pen Mercedes avtomobıli Tóle bı kóshesiniń boıymen Shyǵys aınalma jolynan batysqa qaraı bara jatqan. Qaıyrbekov kóshesine jeter-jetpeste jeńil kóliktiń júrgizýshisi rúlge ıe bola almaı, aldymen jol shetindegi qorshaýdy, artynsha ekpinimen baryp aldyndaǵy avtobýsty soqqan.
Oqys oqıǵa saldarynan Mercedes-tegi úsh adam jaraqattanǵan. «Jedel járdem» olardy sol mańdaǵy aýrýhanaǵa jetkizgen. Qoǵamdyq kólikte jolaýshylar bolmaǵan. Jol-patrýl polısıasy qyzmetkerleri oqıǵanyń mán-jaıyn tekserip jatyr.
