"Áskerı qyzmet jáne áskerı qyzmetshilerdiń mártebesi týraly"  Qazaqstan Respýblıkasynyń 2012 jylǵy 16 aqpandaǵy № 561-IV Zańyna sáıkes 2018 jylǵy qańtar men naýryz aıyna  azamattardy áskerge shaqyrý ýchaskesine tirkeý ótedi, dep habarlaıdy Qamshy.kz aqparat agenttigi.

2001 jyly týǵan 6000-ǵa jýyqtaı jasóspirim Almaty qalasynyń jergilikti áskerı basqarý organdarynyń  áskerı esebine  alynady.

Azamattardy áskerge shaqyrý ýchaskelerine tirkeý – bul áskerge shaqyrý jasyna deıingilerdi áskerı esepke qoıý úshin jergilikti áskerı basqarý organdarymen birlesip, tıisti jergilikti atqarýshy organdar júrgizetin áskerı esepke alý is-sharalary bolyp tabylady.

Tirkelý jyly on jeti jasqa tolatyn Qazaqstan Respýblıkasynyń er azamattary áskerge shaqyrý ýchaskelerine tirkelýge jatady. Tirkeýge kelý týraly azamattardy habarlaý jergilikti áskerı basqarý organdarymen shaqyrý qaǵazy arqyly júrgiziledi. Jergilikti áskerı basqarý organdaryna shaqyrylatyn barlyq azamattar  shaqyrý qaǵazynda kórsetilgen qujattarmen ýaqytynda shaqyrý ýchaskesine keledi.

JÁBO ýákildi tulǵasy usynylǵan qujattar boıynsha azamattarmen áńgimelesý  júrgizedi.

Sonymen qatar,  odan ári azamattardy áskerge shaqyrý ýchaskelerine tirkeý kezinde áskerı qyzmetke jaramdylyq dárejesin belgileý úshin Áskerı-dárigerlik saraptamany júrgizý qaǵıdalarynda aıqyndalǵan tártippen medısınalyq komısıadan ótedi.

Shaqyrý ýchaskesine tirkeýge alynǵan azamattarǵa  shaqyrý ýchaskesine tirkeý týraly kýálik beriledi.  Tirkeýge alý barysynda QR QM JOO-na túsý boıynsha úgit-nasıhat jumystary júrgiziledi. Jastarǵa áskerı qyzmettiń jetistigi týraly aıtylady. Azamattardy shaqyrý ýchaskesine tirkeý Qazaqstanda jyl saıyn ótkiziledi.