Búgin 2018 jyldaǵy Úkimettiń alǵashqy otyrysynda Densaýlyq saqtaý júıesiniń ınfraqurylymyn damytý jónindegi biryńǵaı perspektıvalyq jospar jasaldy, dep habarlaıdy Qamshy.kz aqparat agenttigi. 

2016-2019 jyldarǵa arnalǵan «Densaýlyq» Memlekettik baǵdarlamasyn oryndaý maqsatynda QR Densaýlyq saqtaý mınıstrligi óńirlerdiń ákimdikterimen birlesip Densaýlyq saqtaý júıesiniń ınfraqurylymyn damytý jónindegi biryńǵaı perspektıvalyq jospardy ázirlep jatyr.

Qazirgi kezde respýblıkada halyqqa medısınalyq qyzmetterdi 8 154 densaýlyq saqtaý nysany kórsetedi (6 950 nysan (85,2%) – memlekettik, 1 204 (14,8%) – jekemenshik).

Medısınalyq uıymdardyń ǵımarattarynyń tozýy 50%-dan asady, olardyń jartysy 30 jyldan astam ýaqyttan beri paıdalanylyp keledi.

Ambýlatorıalyq-emhanalyq uıymdardyń artyq júktemesi - 35%.

Medısınalyq tehnıkamen jaraqtalý deńgeıi  70,1% quraıdy, jabdyqtardyń tozýy - 35% asady.

Qarjy resýrstaryn tıimdi bólý, ambýlatorıalyq-emhanalyq jáne stasıonarlyq kómek kórsetýde jaqsy nátıjelerge qol jetkizý úshin densaýlyq saqtaý ınfraqurylymyn damytýdyń biryńǵaı perspektıvalyq jospary qarastyrady:

– halyqtyń alǵashqy medısınalyq kómekke qoljetimdiligin jaqsartýmen áleýmettik-baǵdarlanǵan alǵashqy medıko-sanıtarlyq kómekti damytý:

1)         jalpy tájirıbeli dáriger ýchaskelerin qaıta irilendirý;

2)         aýyldarda medısınalyq nysanǵa deıin 20-mınýttyq qashyqtyqty jáne bilikti dárigerlik kómekti qamtamasyz etý;

–          aýrýhana sektoryn qaıta qurylymdastyrý:

1)         monoprofıldi stasıonarlardy (aýrýhanalar, dıspanserler) kópbeıindige ıntegrasıalaý;

2)         oryndardy qajetti beıinderge qaıta beıindeý.

– densaýlyq saqtaý júıesine memlekettik-jekeshelik áriptestik tetikterin engizý.