QMDB naıb múftıi Óskemende dinı birlestik jetekshilerine arnalǵan sharaǵa qatysty, dep habarlaıdy Qamshy.kz aqparat agenttigi. 

Óskemende Shyǵys Qazaqstan oblystyq «Halıfa Altaı» meshitinde óńirdegi dinı birlestik jetekshilerine arnalǵan «Ashyq esik» kúni ótkizildi. Sharaǵa dinı birlestikter jetekshileri men óńirge arnaıy is-saparmen kelgen QMDB naıb múftıi Baýyrjan Ábdirashuly qatysty.

 «Elbasymyzdyń dana saıasatymen álemdegi ártúrli dinder bir shańyraqtyń astynda bas qosyp, beıbitshilikti nyǵaıtýdy úndeýi zor jetistik ekendigi daýsyz. Ultaralyq tatýlyqtyń irgesin bekte túsý úshin dinder arasyndaǵy turaqtylyq asa mańyzdy»,- dep QMDB naıb múftıi Baýyrjan Ábdirashuly atap ótti.

Aıta ketetin bolsaq, ótkizilip otyrǵan sharanyń negizgi maqsaty- rýhanı birigý, ár túrli konfesıalar arasynda ózara kelisim, Qazaqstan musylmandary dinı basqarmasynyń fılıaly jumysymen  jáne Óskemen qalasynyń mádenı-arhetıktýralyq ǵımaratymen tanysý.

İs-shara barysynda QMDB Óskemen aımaǵynyń ókil ımamy Ermek qajy Tasbolatuly meımandarǵa meshit ǵımaratymen tanystyra otyryp, alda ýaqytta jamaǵattarmen  jasalatyn jumystar týraly áńgimeledi.

 «Búgin meshit jumysymen tanysyp, ıgi isterge kýá boldyq. Meshittiń ishi óte keń, jamaǵattarǵa qulshylyq etýge óte yńǵaıly. Sonymen qatar, búgin osy is-shara aıasynda barlyq konfesıalardyń jınalýy rýhanı kelisimdi nyǵaıtýda jáne ózara tájirıbemen almasý úshin paıdaly bolmaq»,-deıdi SHQO evangeldik-lúterandyq shirkeý pastory Vıktor Shvabaýer.

Jıyn sońynda QMDB naıb múftıi men Óskemen óńiri boıynsha ókil ımam dinı birlestik jetekshilerimen bir dastarhan basyna otyryp, emen-erkin suhbattasty.